என் கவிதைகள் - அகழ்தல்
ஜூலை 10, 2022
காண்பவை எல்லாமே
எண்ணை வண்ண ஓவியங்களாய்
மின்னிக்கொண்டிருந்தன
தேசியக் கொடிகள் முன்
தகிக்கும் நிறங்களில்
மக்கள் நடனமாடினார்கள்
வற்றிய கண்ணங்களின்
மேடு பள்ளங்களில்
இருள் நிரம்பியது
தொம்மங்கருப்பனின்
கண்கள்
மண்ணில் வரண்டு நிறமழிந்த
ஆட்டுக் குருதியை
உக்கிரமாய் நோக்கிக்கொண்டிருந்தது
அன்பு வீங்கி
சாலையோரம் மரித்த நாயின்
வயிராய் வெடித்து நாறியது
அன்னையின் முலைகளில்
சொட்டுச் சொட்டாய்
பால் ஊறியது
குழந்தைகள் கடித்துக் குதறிய
வற்றிய முலைகளில்
ஒளிர்ந்தது குருதி
எண்ணை வண்ண ஓவியமாய்.
Comments
Post a Comment