அமெரிக்கா, சில படைப்புகள் - ஜெயமோகன் தளம்
சிறுகதைகள் ஜெ மதீப்பீடு ஜெயின் தளத்தில் வந்த ஷங்கரின் கடிதம், https://www.jeyamohan.in/240351/ இரண்டு குறுநாவல், இரண்டு சிறுகதை பட்டறைகள் முடிந்திருக்கின்றன. நான் ம. நவீன் நடத்திய இணைய சிறுகதை பட்டறையில் கலந்துகொண்டேன். டாலஸ் நகரில் இடம்பெற்ற ஜெயின் சிறுகதை பட்டறை சார்ந்த குறிப்புகளையும் நண்பர்களிடம் கேட்டுத் தெரிந்துகொண்டேன். இந்த பயிற்சி வகுப்புகளில், குறிப்பாக சிறுகதை நிகழ்வுகளில் பல நண்பர்களும் பெரும் ஆர்வத்துடன் கலந்துகொண்டதை கவனித்தேன். பலரும் சிறுகதை எழுதும் முனைப்பில் இருப்பதையும் அறிந்துகொண்டேன். இதில் எனக்கு ஆச்சரியம் ஒன்றும் இல்லை. தேர்ந்த வாசகன் ஒருவனின் இயல்பான பரிணாமம் எழுத்துச் செயல்பாடுதான். அது சிறுகதையாக இருக்கவேண்டும் என்ற அவசியம் இல்லை, எந்த வகையான எழுத்தும் பரிணாமத்தின் ஒரு நிலைதான். நண்பர் பிரதீப் குறிப்பிட்ட இந்தப் பதிவை, தொடக்ககால சிறுகதை எழுத்தில் உள்ளவர்கள் சார்ந்த ஜெ யின் பார்வைகளை, உங்கள் கவனித்திற்காக இங்கு முன் வைக்கிறே...
