என் கவிதைகள் - பார்வையாளன்
மே 22, 2022
உணவகம் ஒன்றினுள் நுழைந்தேன்
நாடக அரங்கம் ஒன்றினுள்
உற்சாக முகம் கொண்டு
ஆவேசக் கைவீசிச் சிரிக்கும்
மென் குரலில் பேசி
பரிதவிப்புக் கண்கள் ஒளிரும்
மதுக்கோப்பைகள் உரசி
கொண்டாடக் காரணம் தேடும்
மேசைகளுக்கிடையிலான
சாலையில்
லாவகமாய் நகரும் என
தேர்ந்த கதாப்பாத்திரங்களின்
ஒப்பற்ற நாடகம்
எனக்கான உணவு கையளிக்கப்பட்டு
நாடக அரங்கக் கதவு திறந்து
என்னுடைய உலகில் நுழைந்ததும்
ஒளிர்ந்தன
பசியின் ஞாபக மின்னல்கள்.
Comments
Post a Comment