பாலாஜி ராஜு

                                                            மார்ச் 26, 2022 நுனி நாக்கை கடித்துக்கொண்டேன்   அறிந்தவர் சொற்களில் ஆதூரம் கூடிவிட்டதாக நெகிழ்ந்தார் காதலி கலவியில் புது உருவெடுப்பதாக குலவினாள் மனையாள் உணவின் சுவை அறிந்தவனாக மாறிவிட்டாய் என்றாள்   நண்பன் பேச்சில் நஞ்சு மறைந்ததை வியந்தான்   எல்லோரும் புது மனிதனாக வலம் வருவதாக கிசுகிசுத்தார்கள்   நானும் தலையாட்டி ஆமோதித்தேன்   இரகசியமாக நாக்கின் ரணத்தில் வடியும் உதிரத்தை சுவைத்துக்கொண்டே.     - பாலாஜி ராஜூ

                                                       மார்ச் 24, 2022 கீழ்வரும் கவிதைகளை ஒரு பத்து நிமிட இடைவெளியில் அலைபேசியில் எழுதிப் பார்த்தேன். இவற்றின் இலக்கிய மதிப்பு பல்லிளித்தாலும், எழுதி முடித்ததும் சற்று ஆசுவாசம் அடைந்ததை மறுக்க முடியவில்லை. ஒரு வகை கவிதை முயற்சிகளாக இவை எனக்கு பயனளிக்கின்றன, இவற்றை இங்கு பதிவதன் பிண்ணனியிலுள்ள அசட்டுத்தனமும் எனக்குப் புரியாமலில்லை. 1. அம்மணக் குழந்தை கேட்டுக்கொண்டிருந்தது ஓடிப்போன தகப்பன் கதையை குஞ்சாமணியை தீண்டிக்கொண்டே. 2. திக்குவாய் கிழவன் சொல்லிக்கொண்டிருந்தான் தன் வாழ்நாள் கதையை எதிரில் பொக்கைவாய் குழந்தை உற்சாகமாய். 3. பச்சய தொட்டா நான் போன்ல வருவேன் என்று சொல்லிவிட்டு பட்டணம் போனான் ஒரே பிள்ளை பிழைப்பு தேடி தொட்டுப் பார்த்துக்கொண்டே நாட்களை நகர்த்துகிறாள் போனில் அரிதாக ஒளிரும்  பச்சையை எண்ணி ஒரே பிள்ளையை பட்டணத்துக்கு பலி கொடுத்த ஊர்க் கிழவி. 4. குத்துப் பாட்டு கேட்ட...

                                                       அகஸ்ட் 27, 2021 தனிமை சுவாசிக்கும் குளமொன்றினுள் கற்களை வீசிக்கொண்டிருந்தான் சிறுவனொருவன்   கற்களின் எடையில் திணறிய குளம் மே லெ ழுந்தது ஆயிரம் முத்தங்கள் தாங்கி   கைக ளை நீட்டி ய சிறுவன் ஓடிவிட்டான் தாய்மையின் குரல் கேட்டு   தொடர்ந்தன முத்தப் பரிமாற்றங்கள்   சிறுவனின் கனவுகளில் குளமும் குளத்தின் கனவுகளில் சிறுவனும்.     - பாலாஜி ராஜூ

                                                                       கவிஞர் மதார் எழுதிய நான்கு கவிதைகள் ' நுட்பம் ' இணைய இதழில் வெளிவந்திருந்தன. இந்தக் கவிதைகள் குறித்த என் எண்ணங்களை அவருக்கு கடிதமாக எழுதினேன், அதன் பிரதி இந்தப் பதிவு. கடிதம் எழுதப்பட்ட நாள் மார்ச் 21, 2022. அன்புள்ள மதார், நான்கு கவிதைகளையும் வாசித்தேன், கவிதைகளை வாசித்தவுடன் என் மனதில் எழுந்த சொல் 'உவகை'. ஆம், உங்கள் கவிதைகள் எனக்கு சில்லென்ற ஒரு உணர்வைத் தருகின்றன. எழுத்தாளர் ஜெயமோகன் ஆனந்த் குமாருடைய 'டிப் டிப் டிப்' தொகுப்புக்கு எழுதிய முன்னுரையில் 'கவிஞர்கள் எளிமையை நடிக்க முடியாது, அது இயல்பாக வெளிப்படவேண்டும்' என்று சுட்டுகிறார். இந்த முன்னுரையை உங்களுடைய இந்த நான்கு கவிதைகளை வாசித்தவுடன் எண்ணிக்கொண்டேன் - உங்கள் கவிதைகளின் எளிமையும் இயல்பானது என்றே கருதுகிறேன். தடையற்ற நேரடியான மொழி உங்கள் கவிதைகள...

ஏப்ரல் 1, 2019                           இருண்ட கானகத்தில் தொலைந்தேன் நிலவின் கைகள் பிடித்து வீடடைந்தேன். நவம்பர் 9, 2019                                                             கவிதை என்றுதான் நினைத்துக்கொண்டிருந்தேன் எழுதியதை கவிதை என்றே நினைத்துக்கொண்டதாக சொன்னது கவிதை. ஜூலை 23, 2017                               கடல் கண்டோம் மணல் அளைந்தோம் வீடு திரும்பினோம் வீடெங்கும் அலைகளின் ஓயாப் பேச்சு காலிடுக்குகளில் மணற்துகள்.     - பாலாஜி ராஜூ                           

                                                                                                                  மார்ச் 15, 2022 பேனாக்கள் நிறைந்த கலசத்தை கவிழ்த்துக் கலைப்பது இரண்டு வயதின் வாடிக்கை பேனாக்களை மீண்டும் கலசத்தில் அடுக்குவது அவளுடைய வாடிக்கை   கலைக்கப்படுவதுதானே ஏன் அடுக்குகிறாய் என்றேன்   கலைக்கப்படவேண்டும் என்றுதான் அடுக்குகிறேன் என்றாள்.      -   பாலாஜி ராஜூ

பிப்ரவரி 22, 2022 அற்புத ம் ஒன்றைக் கண்டேன் முகிழ்ந்து திளைத் தேன் பேராசையோடு சொற்களால் சிறைப்படுத்த நெருங்கினேன் தோற்றேன் வெகுதூரம் நகர்ந்தேன் அற்புதம் என்னை பின் தொடர்ந்தது என் இயல்புகளை உதறிவிட்டேன் சமநிலையிலிருந்து தொடங்குவோம் வா என்றது நாம் வெகுதூரம் வந்துவிட்டோம் தெரியுமா என்றேன் சற்று திகைத்து பின்னோக்கி நகர்ந்தோம் எதுவும் பேசிக்கொள்ளாமல்.     - பாலாஜி ராஜூ     

டிசம்பர் 14, 2019 என் அறை முழுக்க கடிகாரங்கள் சில ஓசை எழுப்பி சில தன்னுள் உய்ந்து என் நாட்களை நகர்த்துவதில் எத்தனை முனைப்பு   கடிகாரங்களுடன் பேசி சமரசம் செய்துகொண்டேன் எதிர் திசையில் சுழல்வதாக ஒரு புரிதல்   என் நரைமுடிகள் மறைந்தன உடல் ரணங்கள் கரைந்தன இலகுவானேன் மீண்டும் இருட்டறை.      - பாலாஜி ராஜூ

                                                         கடந்த ஆண்டு அக்டோபர் 2021ல் இருந்து பிப்ரவரி 2022 முதல் வாரம் வரை கரூரில் இருந்தேன். ஜனவரி மாதம் கவிஞர் அபிக்கு கடிதம் ஒன்றை எழுதினேன். அதன் பின் அவருடன் ஒன்றேகால் மணிநேரம் அலைபேசியில் உரையாடும் வாய்ப்பும் அமைந்தது. என் வாழ்வின் குறிப்பிடத்தக்க ஒரு நிகழ்வாகவும் இதைக் கருதுகிறேன். அந்தக் கடிதத்தின் திருத்தப்பட்ட வடிவம் இது. கடிதம் எழுதப்பட்ட நாள் ஜனவரி 23, 2022. அன்புள்ள கவிஞர் அபி அவர்களுக்கு , நலம் விழைகிறேன் , என் பெயர் பாலாஜி ராஜூ . நீங்கள் எண்பதாவது அகவையை எட்டியதற்கு சற்று காலம் தாழ்ந்த என் வாழ்த்துகளைத் தெரிவித்துக்கொள்கிறேன் . நான் அடிப்படையில் ஒரு கவிதை வாசகன் , பரவலாகக் கவிதைகளை வாசிக்கிறேன். என் மனதுக்கு நெருக்கமானவராக உங்களை உணர்கிறேன் , இப்படியும் சொல்லலாம் , என்னுடைய கவிஞர் நீங்கள் . உங்க ளுடைய 'அபி கவிதைகள்' தொகுப்பை நான்கு முறை வாசித்திருக்க...

                                                         அமேசான் ப்ரைமில் மலையாளப் படமான 'Joji' பார்த்தேன், பகத் பாசில் மையக் கதாப்பாத்திரமாக நடித்திருக்கிறார். வில்லியம் ஷேக்ஸ்பியரின் புகழ்பெற்ற நாடகமான 'மெக்பெத்' இந்தப் படத்துக்கான உந்துதல் என்ற அறிவிப்புடன் துவங்குகிறது. ஒரு நல்ல திரைப்படத்தின் தாக்கம் அகல சில நாட்கள் எடுத்துக்கொள்ளும், 'Joji' அப்படிப்பட்ட ஒரு திரைப்படம். தந்தையை மீறுதல் எனும் கருத்து இலக்கியத்தில் பரவலாகப் பேசப்பட்ட(படும்) ஒன்று, இதன் கூறுகள் 'Joji' திரைப்படத்தில் இருந்தன என்று தோன்றியது. ஒரு Classical Thriller என்று இந்தப் படத்தை வகைப்படுத்தலாம். கையறு நிலையில் இருக்கும் ஒரு மனதில் தீமை குடிகொண்டுவிட்டால் என்ன நிகழும் என்பதை 'Joji' திரைப்படத்தின் ஒற்றை வரிக் கதையாகக் கொள்ளலாம். கதைக்கான களம் 'கோட்டயம்', பசுமையான ஒரு எஸ்டேட், அடர்ந்த கானகம் போன்ற அதன் பின்புலத்தில் ஒரு பங்களா. முழுக்கத் தந்தையின் கட...

                                                                 வல்லினம் இணைய இதழில் வெளிவந்த 'அசைவும் பெருக்கும்' சிறுகதை குறித்து ஜெகதீஷ் குமாருக்கு எழுதிய கடிதத்தின் திருத்தப்பட்ட வடிவம். கடிதம் எழுதப்பட்ட நாள் ஜூலை 17, 2021. அன்புள்ள ஜெகதீஷ் , ‘ அசைவும் பெருக்கும் ’ சிறுகதை குறித்த என் எண்ணங்களைப் பகிர்கிறேன் . கதைகளின் தலைப்பு கதைக்கு மேலும் அர்த்தங்கள் சேர்ப்பதாகவே இருக்க வேண்டும் எனும் விதியை எழுத்தின் பேராளுமைகள் பலர் குறிப்பிட்டுள்ளனர் . ஜெ , எஸ் . ரா . என நமக்குப் பரிச்சயமான ஆளுமைகளின் கதைகளில் இந்த பண்பைக் காணலாம் . ' அசைவும் பெருக்கும் ' கதைத் தலைப்பு கவித்துவத்தின் உச்சம் , தலைப்பு கதையை இன்னும் ஆழமான அனுபவமாக்கி , கதைக்கான பின்புலத்தை அழகாக நிறுவுகிறது . கதையில் கங்கை நதியை உயிர்ப்போடு ஓடவிட் டி ருக்கிறீர்கள் . கதையின் நுண்தகவல்கள் அர்த்...