என் கவிதைகள் - நாளொரு மேனியும்...

கடிகாரக் கூச்சலில்

திடுக்கிட்டெழுந்து

காக்கைக் குளியலில்

துயில் விரட்டி

பசிக்காத வயிற்றில்

சோறு திணித்து

பனிரெண்டு மணி வயிற்றுக்கு

சோற்று மூட்டை கட்டி

நான்கு சக்கரங்களை விரட்டி

சாலையில் உராய்த்து

வழக்கமான கட்டத்திடையில்

செருகி அணைத்து

அடையாள அட்டையை

இயந்திர முனகலுக்கு

தின்னக்கொடுத்து

மின்தூக்கி தவிர்த்து

நாற்பத்தாறு படிகள் எண்ணி

மூச்சிரைக்க இருக்கையில் நுழைந்து

ஐந்து மணிச் சங்கை

எதிர்பார்த்து

காத்திருக்கத் தொடங்கினேன்.

பாலாஜி ராஜு