பாலாஜி ராஜு

                                                              இன்னொரு திங்கட்கிழமையினுள் வெறுமையோடு என்னைச் செலுத்திக்கொண்டு கணினியைத் திறந்தேன். அமீர் தகவல் பரிமாற்றச் செயலியில் "இருக்கிறாயா?" என்றொரு செய்தியை அரைமணி முன்னரே அனுப்பியிருந்தது சற்று அசாதாரணமாக இருந்தது. தன் பதிமூன்று வயது மூத்த மகனுக்கு உடல்நிலை சரியில்லை என்று கடந்த வாரம் ஒருநாள் நோய்மைகான விடுப்பில் இருந்தான். நான் "ஆம் அமீர்" என்று செய்தியை அனுப்பிவிட்டு அவன் செய்திக்காகக் காத்திருந்தேன், பதிலில்லை. பின் இன்றைய நாளுக்கான முன் நிர்ணயிக்கப்பட்ட கூட்டு அழைப்புகளில் என்னை ஆட்படுத்திக்கொண்டிருந்தேன். அதில் ஒரு அழைப்பில் என் போலந்து மேலாளர் ஆர்கா "அமீர் இன்னும் சில நாட்கள் விடுப்பிலிருப்பான், அவனுடைய வேலையைப் பகிர்ந்துகொள்ளவேண்டும்" என்று அறிவித்தார். தன் மகனுடைய ஆரம்பகால வருடங்களில் சைனஸ் பிரச்சனை தீவிரமாக இருந்ததென்றும், பாகிஸ்தானாக இருந்தா...

                                                              சொல்வனம் இணைய இதழில் நண்பர் ஜெகதீஷ் குமாரின் ' பேராசிரியரின் கிளி ' எனும் கதை வெளிவந்துள்ளது. அவருக்கு கடிதமாக எழுதிய பகுதி இங்கு, அன்புள்ள ஜெகதீஷ், சிறுகதையை வாசித்துவிட்டேன், பிடித்திருந்தது. வியத்தகு திறன்கொண்ட ஒரு பேராசிரியருக்கும் மாணவிக்குமான உறவில், அவர்களுக்கிடையே நிகழும் கூரிய உணர்வுப் பாய்ச்சல்களைக் கதை அலசியிருக்கிறது. ஸ்ருதி சாதனை உணர்வுகொண்ட ஒரு பெண்ணாக கதையை ஒட்டுமொத்தமாகத் தாங்கியிருக்கிறாள். அவளுடைய இயல்பு முதல் பத்தியிலேயே சொல்லப்படுகிறது. அவளுடைய கதாப்பாத்திரத்தை வாசகனாக என்னால் நன்றாக விரித்துக்கொள்ள முடிந்தது - இப்படிச் சொல்லலாம், மிக நன்றாக எழுதப்பட்டிருக்கிறது. பேராசிரியருக்கும் ஸ்ருதிக்குமான கடந்தகால உறவின் ஒரு நிகழ்வு, அதுதரும் புழுக்கம் கதையில் அது வெளிப்படும்வரை நன்றாகக் கூடிக்கொண்டே இருந்தது.  இத்தனை சாதனை நிகழ்த...

                                                              எழுத்தாளர் ஜெயமோகனின் ' ஐந்து நெருப்பு ' சிறுகதையின் உந்துதலால் உருவான திரைப்படம் வெந்து தணிந்தது காடு. 2020ம் ஆண்டு கொரொனா ஊரடங்கு சமயத்தில் ஜெயமோகன் தினமும் ஒரு சிறுகதை என மிகத் தீவிரமாகச் செயல்பட்டுக்கொண்டிருந்தார். அவருடைய தளத்தில் வெளிவரும் சிறுகதைகளை வந்த அன்றே தொடர்ச்சியாக வாசித்துக்கொண்டிருந்தேன். பல்வேறு தளங்களில் அமைந்த நூற்றுக்கு மேற்பட்ட சிறுகதைகளை எழுதிக் குவித்துக்கொண்டிருந்தார் (136 கதைகள் என்று நினைவு). ஐந்து நெருப்பு சிறுகதை வாசித்தவுடன் சினிமாவுக்கென்றே எழுதப்பட்ட ஒன்று எனும் எண்ணம் தோன்றியது. ஆனால் ஆழம் குறையாத, தெற்கு தமிழகத்தின் வரண்ட நிலத்தின் கதைமாந்தர்களை உயிர்ப்போடு கண்முன் நிறுத்தும் கதைகளில் இதுவும் ஒன்று.  ஐந்து நெருப்பு சிறுகதையின் முடிவில் முத்துவீரன் மும்பை பயணிக்கிறான். இந்தப் புள்ளியிலிருந்து வெ.த.கா. திரைப...

                                                              சுரேஷ் பிரதீப் என்ற பெயரை முதலில் கண்டுகொண்டது ஜெயமோகனின் வளைத்தளத்தில் அவர் 'குற்றமும் தண்டனையும்' நாவலுக்கு எழுதிய மதிப்புரை வாயிலாகத்தான். அந்தக் கட்டுரை ஒரு நாவலை இதனை கூர்மையாக வாசிக்க முடியுமா எனும் வியப்பை அளித்தது. இணைய இதழ்களில் அவர் எழுதும் விரிவான விமர்சனக் கட்டுரைகளால் பெரிதும் கவரப்பட்டிருக்கிறேன். சமீபத்தில் சியமந்தகம் இதழில் ஜெயமோகனின் சிறுகதையுலகு குறித்து மிகச் சிறந்த மதிப்புரை ஒன்றை எழுதியிருந்தார்.  தமிழினி இதழில் எழுத்தாளர் சுரேஷ் பிரதீப்பின் ' சித்திரச் சபை ' சிறுகதையை வாசித்தேன். சிறுகதை வாசித்தவுடன் மனதில் ஆழ்ந்த அதிர்வுகளை ஏற்படுத்தியது. மகனிடம் அதிகாரம் செலுத்தும் தந்தை, தந்தையின் முன் சுயமைதுனம் செய்து மாட்டிக்கொள்ளும் மகன் குணசேகர், மனஓட்டங்களை விசித்திரமான ஓவியங்களாக வரையும் குணசேகரின் மனம் பிறழ்ந்த நண்பன் நசீர...

                                                         கவிதைகள் மாத இதழில் அக்டோபர் வெளியீட்டில் ரமேஷ் பிரேதனின் இரண்டு கவிதைகளுக்கு குறிப்புகள் எழுதியிருந்தேன். அதன் பிரதி இங்கு, டாம் & ஜெர்ரி – ரமேஷ் பிரேதன் அரசியல் கவிதைகள் இறுக்கம் , கொந்தளிப்பு என சில பண்புகளைத் தன்னுள் பரவலாகக் கொண்டிருப்பவை . கவிஞனின் உணர்வுகள் , அறச்சீற்றம் என அதற்கான காரணிகள் அமைகின்றன . பாரதி , ஆத்மாநாம் , இளங்கோ கிருஷ்ணன் என சில பெயர்கள் நினைவுக்கு வருகின்றன . இந்த வரையறைக்கு வெளியே கவிஞர் ஞானக்கூத்தன் பகடி கலந்த அரசியல் கவிதைகளை எழுதியிருக்கிறார் ( எனக்கும் தமிழ்தான் மூச்சு – ஆனால் அதைப் – பிறர் மேல் விடமாட்டேன் ). ரமேஷ் பிரேதனின் இந்தக் கவிதையும் பகடியையே தன் கூறல்முறையாகக் கொண்டுள்ளது . கவிதையின் வரிகளை ஒரு சிறு புன்னகை இல்லாமல் கடக்க முடிவதில்லை . பகடி மட்டுமல்லாமல் கோட் , எலி என்று மிகச் சிறந்த படிமங்களும் கவிதைக்குள் ஊடாடுகி...