பாலாஜி ராஜு

                                                       ஆகஸ்டு 18, 2024 பரிசுத்தமான வானின் ஊதா நிற அதிசயங்கள் தாளாமல் மரத்தின் கிளையினூடாக மறைந்து காண்கிறேன், சாளரச் சட்டகங்களின் இடைவெளியில் ஒளிந்து காண்கிறேன், நீ ஒரு ஓவியத்தினுள் வாழ்கிறாய் என்று சொன்னது வானின் அசரீரி, இந்த ஓவியத்தில் நான் யார் என்று கேட்டேன் அதனிடம், 'ஓவியம் தாங்கும் சட்டகத்தின் விளிம்பில் கிறுக்கப்பட்டிருக்கும் வாசிக்க கிட்டாத பெயர் நீ' என்று சொன்னது அசரீரி.   - பாலாஜி ராஜூ

                                                              ஆகஸ்ட் 18, 2024 வயதொத்தவர்களின் இறப்புச் செய்தி வந்தவண்ணமிருக்கிறது, முற்றிலும் அருந்தப்படாத மதுக்குவளையின் சிதறல் கனவுகளில் துரத்துகிறது, இப்பொழுதெல்லாம் சொட்டு மிச்சமில்லாமல் அருந்திவிடுகிறேன் பிரபஞ்சம் என்னிடம் அளிக்கும் மதுக்குவளைகளை, காலியான குவளைகள் பஞ்சுபோல காற்றில் மிதப்பவை என ஏனோ கற்பிதம் கொண்டேன், பளிங்குக் கண்ணாடியும் இறுகிய தரையும் இரகசியமாய் சிரித்துக்கொண்டதை அறியாமல்.   - பாலாஜி ராஜூ